Willem: Beroepsjagter & Boer

Description

Willem is ‘n ervare plaasman met ‘n sterk agtergrond in plaasbestuur, veeboerdery, wildbestuur en gewasverbouing. Hy het op ‘n landbouskool skoolgegaan en het deur die jare waardevolle ervaring opgebou in verskeie vertakkings van die boerderybedryf.

Van sy ondervinding sluit in:

-14 jaar as plaasbestuurder
-Bees-, skaap- en varkboerdery
-Teelprogramme en kuddebestuur
-Inentings, dosering en siektebeheer
-Voerprogramme en voerkrale
-Gewasverbouing en landbestuur
-Omheinings en plaasinstandhouding
-Wildbestuur en beroepsjag
-Perde en veldbestuur
-Plaasmasjinerie en algemene plaasbedrywighede

Willem is ‘n gekwalifiseerde beroepsjagter en veldgids met goeie kennis van wild, dieregesondheid en veldbestuur. Hy het ook ervaring met die begeleiding van jagters en die bestuur van wildsbedrywighede.

Vir die afgelope 4 jaar het hy op plase in Amerika gewerk waar hy betrokke was by gewasverbouing, grondvoorbereiding, instandhouding van toerusting en algemene plaasbestuur.

‘n Verdere voordeel is sy mediese agtergrond, wat hom geleer het om kalm onder druk te bly, verantwoordelikheid te neem en vinnig op probleme te reageer.

Willem is ‘n eerlike, betroubare en hardwerkende man wat hou van die natuur, diere en die plaaslewe. Hy werk goed saam met mense, maar kan ook op sy eie verantwoordelikheid neem en take afhandel.

Hy stel belang om op ‘n bees- en skaapplaas, varkplaas, jag-/wildsplaas of groenteplaas te werk en is bereid om in enige provinsie te werk.