R15.00
Boer is in sy bloed! Willem is ’n tegniese meester met meer as 20 jaar ervaring, maar sy hart lê op die plaas. Met sy passie vir vee, sy leierskap en sy hande-aan-aanpak, is hy reg om sy loopbaan in landbou in te ploeg. ’n Ware aanwins vir enige plaas wat ’n betroubare, projek-georiënteerde man soek.
Description
Willem is ’n ervare tegnikus met meer as 20 jaar se ondervinding in meganiese en tegniese werk, opleiding en spanbestuur. Hy het sy loopbaan opgebou in die motorbedryf, waar hy gewerk het as werktuigkundige, voorman, kwaliteitsbeheerder en selfs opleier vir nuwe vakmanne. Hy’s prakties, projek-georiënteerd en bekend vir sy probleemoplossingsvermoë en verantwoordelikheidsin.
Hoewel sy loopbaan tot dusver in tegniese werk lê, lê sy hart by die plaas. Boer is in sy bloed – sy oupas was almal boere – en sy passie vir vee en landbou groei net al hoe sterker. Hy wil sy ervaring, tegniese kennis en natuurlike leierskap gebruik om sy loopbaan te skuif na die landboubedryf.
Willem wil graag in Gauteng boer op enige plaas! Hy glo dat sy meganiese en bestuursvaardighede ’n groot bate vir enige plaas of landbou-onderneming kan wees
