R15.00
Deon is ’n passievolle en hoogs ervare instandhoudings- en plaasbestuurder met ’n groot liefde vir landbou en die buitelewe. Hy is uitsonderlik vaardig met die herstel en instandhouding van alle masjinerie en voertuie, algemene plaas-instandhouding, besproeiingstelsels, sweiswerk en het goeie praktiese kennis van perdversorging. Hy is ’n lojale hardwerker wat dinge regte manier wil doen, foute self kan opspoor en oplos, en vinnig verantwoordelikheid neem op die grond. Deon werk uitstekend as voorman of onafhanklik, en bring jare se volwasse leierskap en praktiese dissipline na die omgewing. Hy soek ’n geleentheid waar hy en sy getroude vrou kan inwoon. Hy stel belang in enige tipe plaas en is ten volle bereid om te verhuis na die Kaap, KwaZulu-Natal of die Vrystaat.
Description
Deon is ’n selfgedrewe, volwasse plaas- en instandhoudingsbestuurder met ’n rykdom van lewenservaring en ’n diep gewortelde passie vir die natuur en plaaslewe. Na jare se waardevolle ondervinding wil hy en sy vrou permanent die stadslewe verruil vir die rustigheid en vervulling van die platteland.
Hy beskik oor uitgebreide praktiese ondervinding in:
-Instandhouding van masjinerie.
-Tegniese infrastruktuur.
-Plaas- en Batebestuur.
-Besproeiing en Water
-Algemene bouwerk,
-Personeelbestuur (ervaring as voorman en toesighouding oor werkers en studente).
Deon het ’n spesiale aanvoeling vir meganiese dinge en infrastruktuur. Wat hom besonders maak, is sy vermoë om oplossings te vind vir dinge wat ander opgee – hy het selfs ’n windpomp suksesvol herstel wat vir 30 jaar buite werking was. Hy respekteer die boer se implemente en masjinerie, en sorg dat alles te alle tye netjies, veilig en diensbaar is om duur staantyd te voorkom. Hy het ook waardevolle ondervinding met diere; hy kan perde versorg, is oplettend genoeg om siek diere vinnig raak te sien, en hanteer basiese behandelings of die inroep van veeartse met die nodige sorg. Sy agtergrond in die Suid-Afrikaanse Polisie en jare se tegniese diens by Telkom het hom geleer om met absolute eerlikheid, stiptelikheid en lojaliteit te werk. Hy is fisies fiks, gesond, hoogs leerbaar en gereed om sy volle gewig agter die sukses van jou plaas te gooi. Sy doel is om vir die langtermyn deel van ’n goeie plaas te word waar hy en sy vrou kan inwoon.
Deon stel belang om te werk op: Enige tipe plaas. Hy is heeltemal bereid om te verhuis na die Kaap, KwaZulu-Natal of die Vrystaat vir die regte werksgeleentheid.
