R15.00
Bennett is ’n ervare diesel- en petrolwerktuigkundige wat van kleins af op ’n plaas grootgeword het en met trekkers en plaasmasjinerie gewerk het. Hy het sy rooi seël (Red Seal) in 2013 behaal en het sterk ondervinding met vragmotors, trekkers, sleepwaens en geelmasjiene.
Hy kan selfstandig werk en is sterk met foutopsporing, enjins, ratkaste, ewenaars, hidroulika, lugremme, vering, PTO’s en outo-elektriese werk. Hy het ook uitgebreide ondervinding met vlootonderhoud en het al verantwoordelikheid gehad vir die instandhouding van ’n groot vragmotorvloot.
Bennett is tans in die Wes-Kaap en is bereid om enige provinsie te oorweeg. Hy wil graag op ’n saai- of besproeiingsplaas werk waar hy sy meganiese kennis en plaaservaring kan benut.
Description
Bennett is ’n 33-jarige gekwalifiseerde diesel- en petrolwerktuigkundige met ’n sterk plaasagtergrond en jare se praktiese ondervinding. Hy het op ’n plaas grootgeword en van kleins af saam met trekkers en plaasmasjinerie gewerk. Sy pa en oupa was ook dieselwerktuigkundiges, en Bennett het in dieselfde rigting voortgegaan. Hy het sy rooi seël in 2013 behaal.
Sy ervaring strek oor vragmotors, bakkies, trekkers, sleepwaens, geelmasjiene en plaasimplemente. Hy is sterk met foutopsporing, enjin- en ewenaarherbouings, ratkaste, remstelsels, hidroulika, vering, bladvere, PTO’s en elektriese werk. Hy het ook baie ervaring met padkant-herstelwerk en kan probleme selfstandig diagnoseer en uitsorteer.
Bennett het die afgelope jare ook in vlootbestuur en werkswinkelinstandhouding gewerk, waar hy betrokke was by die bestuur van ongeveer 800 vragmotors. Hy het onder andere afbreekwerk gekoördineer, dienste gereël, onderdele bestel, herstelwerk opgevolg en self aan vragmotors en sleepwaens gewerk. Hy het ook die eienaar se plaas- en landboutoerusting in werkende toestand gehou en herstelwerk daaraan gedoen.
Met sy kombinasie van plaaservaring, dieselkennis en praktiese meganiese vaardighede sal Bennett veral goed pas by ’n saai- of besproeiingsplaas waar trekkers, voertuie, pompe en ander toerusting gereeld aandag nodig het.
Hy is tans in die Wes-Kaap, maar is bereid om na enige provinsie te verhuis vir die regte geleentheid.
