R15.00
Arno is ’n hardwerkende en betroubare plaaswerker met 3 jaar se ondervinding, waarvan 2 jaar in Amerika en 1 jaar in Suid-Afrika. Hy het grootgeword op ’n bees- en wildplaas, werk netjies, het sober gewoontes en glo daarin om eers iets reg te maak voor mens nuut koop. Hy soek ’n langtermyn werksgeleentheid in Noordwes waar hy kan vastrapplek kry en ’n toekoms bou.
Hy stel belang om te werk op ’n bees- en skaapplaas, saaiplaas, melkplaas, besproeiingsplaas of jag-/wildsplaas.
Description
Arno is ’n ou wat van kleins af op die plaas grootgeword het en presies weet hoe dinge op ’n plaas werk. Hy het drie jaar se praktiese ondervinding, met werk in Suid-Afrika en Amerika.
In Suid-Afrika het hy as plaaswerker gewerk waar hy betrokke was by voer van beeste, landvoorbereiding, en die plant van mielies en sojabone. Hy het ook ondervinding in trekkerwerk, basiese herstelwerk aan trekkers en implemente, en algemene plaasinstandhouding.
Op ’n jag- en wildsplaas het Arno ook gewerk as PH-assistent, waar hy heinings gery het, saam met jagters gewerk het, die lodge skoon en reg gehou het, seker gemaak het diere het kos en water, en veldwerk gedoen het soos paaie oopkap en gras saad strooi op kaal kolle.
In Amerika het hy op groot saai- en familieplase gewerk waar hy groot trekkers bestuur het, rys, sojabone en mielies geplant het, vragte met ’n vragmotor na silo’s gery het, oeswerk gedoen het, met spuite en spuit-drones gewerk het, en ook besproeiingspivotte onderhou het. Hy was ook betrokke by plaasbestuur, waar hy moes seker maak dat werkers hul daaglikse take kry en reg uitvoer.
Arno het sober gewoontes, is netjies in sy werk en op die werksplek, en doen dinge so vinnig en ordentlik as moontlik.
Hy soek nou doelbewus ’n langtermyn werk in Suid-Afrika, sodat hy ’n vaste toekoms kan bou en eendag ’n familie kan begin. Arno is lojaal, weet wie hy is en wat hy in die lewe soek, en sal ’n sterk aanwins wees vir enige boer wat iemand soek wat bly, werk, en verantwoordelikheid vat.
Hy wil graag in Noordwes werk op ’n bees- en skaapplaas, saaiplaas, melkplaas, besproeiingsplaas of jag-/wildsplaas.
